وجدت الكنز

اندهشت و فوجئت و سعدت كثيرا حيث كنت ابحث عن موقع اجد فيه ما يقتل الوقت و يقضى على الملل الى ان عثرت على موقعكم الرائع وقتها احسست باننى وجدت كنزا كبيرا و احسست باننى مثل الصياد الذى ظل طوال يومه يرمى شباكه ئم يسحبها فلا يجد شيئا فلما يئس قال لنفسه دى اخر مرة اطرح الشبكة لكنه فى اخر رمية جاب سمكة كبييييرة عوضته عن تعب اليوم بطوله طبعا حتقولوا مين الرغاى ده و ياسلام لما تعرفوا ان عمرى 47 سنهحاتقولوا مين المجنون ده بس بصراحة انا سعدت عندما وجدت على الموقع عدد كبير من تلامذتى اللى علمتهم انجليزى من عشرين سنة او اكتر فى مدرسة الشهيد هنطش من سنه 1983 و حتى 11987بعدين سافرت السعودية و رجعت على القاهرة حسيت لما اشترك فى الموقع حاكون قاعد وسط اولادى فاكرين يا اولاد الاساتذة محمد عفيفى و مختار و كمال جبريل و عادل عياد و رمضان و اسامة العاب و خالد صقر و ماهر و كرم و محمد فوزى و حبيب قلبى و نصى التانى عاطف البارودى و طالما انا قلت عاطف نصى التانى يبقى من غير تتفكير انا وليد مليجى انا سعيد و الله بيكم حاسس ان انتم معايا فى الشقةاشكركم و ان شاء الله بعد كده خشارك معاكو فارجو ان تتقبلونى واحد منكم