مستحيل

من طرف سفير السعاده الأربعاء 02 مارس 2011, 3:49 pm

مستحيل
مستحيل حنكون فى يـوم يد واحده
إلا لما نحـــــــــــب بعـض
ومنـين يجـى الحــــب وإحـنا
لعـبه حلـوه فى أيد الغرب
لعـبوا بينا وبأرادتـنـــــــــــــا
وزرعـوا فـينا الكره لبعض
قولى إمتى نفوق أو نصـحى
وقلوبنا دايبه فى حب الغرب
نزرع بساتين الورد وإحــنا
اللى ندوس ع الشوك والصعب
أوع تفـكر مره ياصاحبـى
إن فى يــــــــوم يبقالك رأى
إلا لـما تحـــــــــرر نفسك
مـن إدمان تقاليد الغـــــــرب
فوقو ياعالم من غـفـوتكم
خلــــــى قـلـوبكم تنطـق لأ
لأ للظــــــــــلم وللعـبوديه
لأ للخوف على كرسى المجد
فين كلمتنا وفين عزيمتنا
فين أيام الخـوف على بعض
من أمريكا الرعب مـالينا
ليه خايفين من كلمة حق
تأمـر تنهى وكـل ما تطلب
مرفـــوض منك كلـمة لأ
ليه خلينا الغــرب تسوقنا
زى قطيع تايه ع الدرب
وطنى العربى رؤوس وملوك
لأمتى حياتنا سكون وسكوت
لمو الشمل العـربى وخـــــلوا
كل شعـوبكوا تقــول مبروك
مستحيل حنكون فى يوم يد واحده
ألا لـما نحــــــب بعــــــض
( لن تكـون بيننا وحدة عربيه . إلا بـالحــــب )
ت / شعبان حجازى